ਔਰਤ ਨੇ ਪੁੱਤ ਅਤੇ ਨੂੰਹ ਉੱਤੇ ਲਗਾਏ ਜਾਨੋਂ ਮਾਰਨ ਦੇ ਦੋਸ਼ - Punjab News Channel

Online Web News Channel (ਆਨਲਾਈਨ ਵੈੱਬ ਨਿਊਜ਼ ਚੈਨਲ)

Latest

Post Top Ad

Your Ad Spot

Saturday, 25 March 2017

ਔਰਤ ਨੇ ਪੁੱਤ ਅਤੇ ਨੂੰਹ ਉੱਤੇ ਲਗਾਏ ਜਾਨੋਂ ਮਾਰਨ ਦੇ ਦੋਸ਼

ਜਲਾਲਾਬਾਦ, 25 ਮਾਰਚ (ਬਬਲੂ ਨਾਗਪਾਲ)  : ਉਪਮੰਡਲ  ਦੇ ਪਿੰਡ ਢਾਬ ਖੁਸ਼ਾਲ ਜੋਈਆਂ ਨਿਵਾਸੀ ਇੱਕ ਔਰਤ ਨੇ ਐਸਐਚਓ ਥਾਨਾ ਸਦਰ ਜਲਾਲਾਬਾਦ ਨੂੰ ਸ਼ਿਕਾਇਤ ਪੱਤਰ ਸੌਂਪ ਕੇ ਨੂੰਹ ਅਤੇ ਪੁੱਤਰ ਉੱਤੇ ਜਾਨਲੇਵਾ ਹਮਲਾ ਕਰਨ ਅਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇਣ  ਦੇ ਦੋਸ਼ ਲਗਾਏ ਹਨ । ਐਸਐਚਓ ਸਦਰ ਨੂੰ ਸੌਂਪੇ ਗਏ ਸ਼ਿਕਾਇਤ ਪੱਤਰ ਵਿੱਚ ਔਰਤ ਗੁਰਮੇਲ ਕੌਰ ਨੇ ਦੱਸਿਆ ਕਿ 24 ਮਾਰਚ ਨੂੰ ਉਸਦੀ ਨੂੰਹ ਸੀਤਾ ਰਾਣੀ ਅਤੇ ਉਸਦੇ ਪੁੱਤਰ ਸੁਖਦੇਵ ਸਿੰਘ  ਨੇ ਉਸਦੇ ਨਾਲ ਲੜਾਈ ਕੀਤੀ ਅਤੇ ਮਾਰ ਕੁੱਟ ਕੀਤੀ ਜਿਸ ਕਾਰਨ ਉਹ ਬੇਹੋਸ਼ ਹੋਕੇ ਡਿੱਗ ਪਈ ਅਤੇ ਉਸਦੀ ਨੂੰਹ ਬੋਲਣ ਲੱਗੀ ਕਿ ਇੱਕ ਅਤੇ ਮਾਰੇ ਇਸਨੂੰ ਜਿੰਦਾ ਨਹੀਂ ਛੱਡਣਾ।  ਸਿਰਫ ਸਾਡਾ ਚਾਹ ਦਾ ਰੋਲਾ ਸੀ ਮੈਂ ਆਪਣੇ ਪੋਤਰੇ ਨੂੰ ਚਾਹ ਦਿੱਤੀ ਅਤੇ ਇਹ ਕਹਿੰਦੀ ਸੀ ਕਿ ਚਾਹ ਨਾ ਦੇ।  ਇਸ ਦੋਸ਼ੀਆਂ ਨੇ ਮੇਰੀ ਮਾਰ ਕੁੱਟ ਕਰਕੇ ਮੈਨੂੰ ਬੇਹੋਸ਼ ਕਰਕੇ ਸੁੱਟ ਦਿੱਤਾ।  ਮੇਰੀ ਨੂੰਹ  ਨੇ ਇੱਥੇ ਤੱਕ ਧਮਕੀ ਦਿੱਤੀ ਕਿ ਅਸੀਂ ਤੈਨੂੰ ਜਿੰਦਾ ਨਹੀਂ ਛੱਡਣਾ ਅਤੇ ਘਰ ਤੋਂ ਧੱਕੇ ਮਾਰਕੇ ਬਾਹਰ ਕੱਢ ਦੇਣਾ ਹੈ ।  ਤੈਨੂੰ ਜਵਾਈਆਂ ਦੇ ਘਰ ਵਿੱਚ ਭੇਜ ਦੇਣਾ ਹੈ ਤੂੰ ਰੱਖੇਗੀ ਯਾਦ ਅਸੀਂ ਤੁਹਾਡੀ ਐਰੀ ਗੈਰੀ ਦੀ ਕੋਈ ਪਰਵਾਹ ਨਹੀਂ ਕਰਦੇ।  ਉਸਨੇ ਦੱਸਿਆ ਕਿ ਉਕਤ ਦੋਸ਼ੀਆਂ ਨੇ ਮੇਰੇ ਨਾਲ ਧੱਕੇਸ਼ਾਹੀ ਅਤੇ ਜਿਆਦਤੀ ਕੀਤੀ ਹੈ ਜੋ ਸਖ਼ਤ ਤੋਂ ਸਖ਼ਤ ਸਜਾ  ਦੇ ਲਾਇਕ ਬਣਦੇ ਹਨ।  ਇਨ੍ਹਾਂ ਦੋਸ਼ੀਆਂ ਨੇ ਮੇਰਾ ਰੋਜ ਦਾ ਜੀਨਾ ਹਰਾਮ ਕਰ ਰੱਖਿਆ ਹੈ ਅਤੇ ਇਨ੍ਹਾਂ ਤੋਂ ਉਸਨੂੰ ਹਰ ਵਕਤ ਜਾਨ ਦਾ ਖ਼ਤਰਾ ਬਣਾ ਹੋਇਆ ਹੈ।  ਉਸਨੇ ਮੰਗ ਕੀਤੀ ਕਿ ਉਕਤ ਦੋਸ਼ੀਆਂ  ਦੇ ਖਿਲਾਫ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕੀਤੀ ਜਾਵੇ।

No comments:

Post Top Ad

Your Ad Spot