ਭਾਰਤੀ ਔਰਤ ਨੇ ਵੀ ਘੱਟ ਮਿਹਨਤਾਨਾ ਦੇਣ ਦੇ (9 ਡਾਲਰ ਪ੍ਰਤੀ ਘੰਟਾ) ਮਾਮਲੇ ਨੂੰ ਉਠਾਇਆ - Punjab News Channel

Online Web News Channel (ਆਨਲਾਈਨ ਵੈੱਬ ਨਿਊਜ਼ ਚੈਨਲ)

Latest

Post Top Ad

Your Ad Spot

Wednesday, 5 October 2016

ਭਾਰਤੀ ਔਰਤ ਨੇ ਵੀ ਘੱਟ ਮਿਹਨਤਾਨਾ ਦੇਣ ਦੇ (9 ਡਾਲਰ ਪ੍ਰਤੀ ਘੰਟਾ) ਮਾਮਲੇ ਨੂੰ ਉਠਾਇਆ

ਇਕ ਹੋਰ ਮਾਮਲਾ: ਵੱਧ ਕੰਮ-ਘੱਟ ਮਿਹਨਤਾਨਾ
ਆਕਲੈਂਡ 5 ਅਕਤੂਬਰ (ਹਰਜਿੰਦਰ ਸਿੰਘ ਬਸਿਆਲਾ)-ਨਿਊਜ਼ੀਲੈਂਡ ਦੇ ਵਿਚ ਭਾਰਤੀ ਰੁਜ਼ਗਾਰ ਦਾਤਾਵਾਂ ਵੱਲੋਂ ਆਪਣੇ ਕਰਮਚਾਰੀਆਂ ਦਾ ਘੱਟ ਮਿਹਨਤਾਨਾ ਦੇ ਕੇ ਸ਼ੋਸ਼ਣ ਕਰਨ ਦੀਆਂ ਖਬਰਾਂ ਅਕਸਰ ਅਖ਼ਬਾਰਾਂ ਵਿਚ ਛਪਦੀਆਂ ਰਹਿੰਦੀਆਂ ਹਨ, ਇਸੇ ਲੜੀ ਅਧੀਨ ਇਸ ਵਾਰ ਇਕ ਬਹਾਦਰ ਔਰਤ ਨੇ ਅਜਿਹੇ ਰੁਜ਼ਗਾਰ ਦਾਤਾ ਦਾ ਭਾਂਡਾ ਰਾਸ਼ਟਰੀ ਨਿਊਜ਼ ਚੇਨਲਾਂ ਉਤੇ ਭੰਨਿਆ ਹੈ। ਆਪਣਾ ਨਾਂਅ ਅਜੇ ਗੁਪਤ ਰੱਖਣ ਵਾਲੀ ਇਸ ਔਰਤ ਨੂੰ 9 ਡਾਲਰ ਪ੍ਰਤੀ ਘੰਟਾ ਦਿੱਤਾ ਜਾਂਦਾ ਰਿਹਾ ਹੈ। 20 ਘੰਟੇ  ਕੰਮ ਕਰਨ ਦੀ ਕਾਨੂੰਨੀ ਆਗਿਆ ਦੇ ਬਾਵਜੂਦ ਨੌਕਰੀ ਅਤੇ ਪੱਕਾ ਕਰਵਾਉਣ ਆਦਿ ਦਾ ਲਾਲਚ ਦੇ ਕੇ 50 ਤੋਂ 60 ਘੰਟੇ ਕੰਮ ਕਰਵਾਇਆ ਜਾਂਦਾ ਰਿਹਾ। ਲੇਬਰ ਇੰਸਪੈਕਟਰ ਅਨੁਸਾਰ ਪਿਛਲੇ ਦੋ ਸਾਲਾਂ ਦੇ ਵਿਚ 54 ਅਜਿਹੇ ਮਾਮਲੇ ਲਿਖਤੀ ਤੌਰ 'ਤੇ ਦਾਖਲ ਹੋ ਚੁੱਕੇ ਹਨ।   ਪੜਤਾਲ ਕਰਤਾਵਾਂ ਨੇ ਇਸ ਨੂੰ 'ਟਿੱਪ ਆਫ ਦਾ ਆਈਸਬਰਗ' ਮਤਲਬ ਕਿ ਇਕ ਵੱਡੀ ਸਮੱਸਿਆ ਦੀ ਨਿੱਕੀ ਜਿਹੀ ਝਲਕ ਆਖਿਆ ਹੈ। ਰਿਸੈਪਸ਼ਨਿਸਟ ਦੀ ਨੌਕਰੀ ਕਰਨ ਵਾਲੀ ਇਸ ਔਰਤ ਨੂੰ ਪਹਿਲਾਂ 10 ਡਾਲਰ ਪ੍ਰਤੀ ਘੰਟਾ ਫਿਰ ਬਾਅਦ ਵਿਚ 9 ਡਾਲਰ ਦਿੱਤੇ ਗਏ ਜਦ ਕਿ ਉਸ ਵੇਲੇ ਰੇਟ 15.25 ਡਾਲਰ ਪ੍ਰਤੀ ਘੰਟਾ ਸੀ। ਇਸ ਔਰਤ ਨੇ ਆਪਣੇ ਰੁਜ਼ਗਾਰ ਦਾਤਾ ਨਾਲ ਹੋਈ ਵਾਰਤਾਲਾਪ ਵੀ ਸਾਂਭ ਕੇ ਰੱਖੀ ਹੈ। ਜੇਕਰ ਅਜਿਹਾ ਮਾਮਲਾ ਹੱਲ ਕਰ ਲਿਆ ਜਾਂਦਾ ਹੈ ਅਤੇ ਰੁਜ਼ਗਾਰ ਦਾਤਾ ਦੋਸ਼ੀ ਪਾਇਆ ਜਾਂਦਾ ਹੈ ਤਾਂ ਉਸਨੂੰ 50 ਹਜ਼ਾਰ ਤੋਂ 1 ਲੱਖ ਡਾਲਰ ਜ਼ੁਰਮਾਨਾ ਹੋ ਸਕਦਾ ਹੈ।

No comments:

Post Top Ad

Your Ad Spot